काठमाडौ । राष्टवादी नेपाली भितेपात्रो शनिबार राजधानीमा भव्य कार्यक्रमवीच सार्वजनिक गरिएको छ । नागरिक विद्रोहले प्रकाशन गरेको भितेपात्रो सार्वजनिक गरेको हो ।
कार्यक्रममा भितेपात्रोलाई नेपालीको घरघरमा वितरण गरिने जनाइयो । पहिलो चरणमा तीन लाख परिवारमा वितरण गर्ने योजना रहेको कार्यक्रममा जानकारी गराइयो । साथै यसलाई वढाढर १० लाख परिवारसम्म पुरयाउने योजना रहेको पनि सुनाइयो । यसका लागि वितरण गर्न जिम्मेबारी पनि बाँंडिएको जानकारी गराइयो ।
कार्यक्रममा वक्ताहरुले अवस्था फेर्न व्यवस्था परिवर्तन आवश्यक रहेको बताए ।
राष्टिय प्रजातन्त्र पार्टीका वरिष्ठ केन्द्रिय उपाध्यक्ष दिलविकास राजभण्डारी, वरिष्ठ कानुनविद् बालकृष्ण न्यौपाने, ध्रुबलाल श्रेष्ठ, पत्रकार जीवराम भण्डारीलगायतले व्यवस्था परिवर्तन नभएसम्म अवस्था परिवर्तन नहुने भन्दै आन्दोलन जारी रहेको बताए । कार्यक्रम अभियन्ता रञ्जन खनालको सभापतित्वमा सम्पन्न भएको थियो ।
