विहानसम्म उठेन विस्का जात्राको ल्योसिंद्य

रेणु त्वानाबासु
भक्तपुर । रातभरको प्रयासपछि पनि आइतबार विस्का जात्राको ल्योसिंद्य (लिंगो) उठाउन सफल भएन । भक्तपुरको विस्का जात्राको क्रममा उठाउने ५५ हात लामो लिंगो आइतबार राति १ बजेसम्म उठाउन प्रयास भए पनि सोमबार विहानसम्म उठाउन सफल भएन ।
नउठेको लिंगोलाई आज भए पनि उठाई आजै ढाल्ने परम्परा छ । आज दिउँसै उठाउन सफल भए पनि ढाल्न भने साँंझ मात्रै ढालिने परम्परा छ ।
दसकपछि यो वर्ष लिंगो उठाउन असफल भएको हो । यसअघिका वर्ष पनि कुनैकुनै बेला निर्धारित दिनमा लिंगो उठाउन नसकेको इतिहास छ । ५५ हात लामो अनि ठूलो भएका कारण लिंगो उठाउन सयौं युवालाई पनि घण्टौ लाग्ने गर्दछ ।