भक्तपुर । महिला विकास तथा जागरण केन्द्र काठमाडौंको आयोजनामा शुक्रबार भक्तपुरको सूर्यविनायक नगरपालिकामा महिलाको आर्थिक न्याय तथा अधिकार सम्वन्धि एकदिवसीय अभिमुखीकरण कार्यक्रम सम्पन्न भएको छ । सूर्यविनायक नगरपालिकाका उपप्रमुख एवं न्यायिक समितिका संयोजक सरिता तिमल्सिना भटराईको प्रमुख आतिथ्यतामा कार्यक्रम भएको हो ।
कार्यक्रममा दुई वटा कार्यपत्रहरु प्रस्तुत गरिएका थिए । महिलाका आर्थिक न्यायका लागि भएका कानुनी व्यवस्था विषयमा आयोजक संस्थाका संस्थापक अध्यक्ष प्राडा शशी अधिकारी र महिलाको आर्थिक न्याय सुनिश्चित गर्ने सम्वन्धमा अन्तराष्टिय दस्तावेजहरुमा भएका व्यवस्थाहरु ीवषयमा डा अनिता श्रेष्ठले प्रतुतीकरण गरेका थिए ।
कार्यक्रममा सूर्यविनायक नगरपालिकाका प्रवक्ता एवं वडा नं ७ गुण्डूका वडा अध्यक्ष रवीन्द्र सापकोटालगातिको उपस्थिति रहेको थियो । कार्यक्रममा आयोजक संस्था, सूर्यविनायक नगरपालिकाका पदाधिकारीहरु तथा कर्मचारीहरु सहभागी रहेका थिए ।
