काठमाडाैँ, पुस ४
तीन वर्षमा ३ हजार भन्दा बढी नेपालीले विदेशी भूमिमा ज्यान गुमाएका छन् । सरकारले सार्वजनिक गरेको ‘श्रम आप्रवासन प्रतिवेदन २०२२’ अनुसार सन् २०१९०२० देखि २०२१०२२ सम्ममा ३ हजार १९९ नेपाली युवाले ज्यान गुमाएका छन् ।
ज्यान गुमाउनेमा ३ हजार ११५ जना पुरुष र ८४ जना महिला छन् । प्रदेशगत रूपमा हेर्दा सबैभन्दा बढी ज्यान गुमाउनेमा मधेस प्रदेशका छन् । मधेस प्रदेशमा ७५१ जनाले ज्यान गुमाएका छन् । प्रदेश १ का ७०९ जना, लुम्बिनी प्रदेशका ६७७, गण्डकी प्रदेशका ४७८, बागमती प्रदेशका ४०९ जना, कर्णाली प्रदेशका ११० र सुदूरपश्चिम प्रदेशका ५६ युवाले ज्यान गुमाए ।
मृत्युको कारणमा कार्डियाक अरेस्ट, हर्ट अट्याक,प्राकृतिक कारण, सवारी दुर्घटना,आत्महत्या, कोरोना, कार्यक्षेत्रमा मृत्यु लगायतका छन् । २०२१०२२ मा कोरोनाका कारण २०७ जना नेपालीले विदेशमा ज्यान गुमाएका छन् ।
प्राकृतिक कारणबाट २१५ जना र सवारी दुर्घटनाबाट १२९ जनाले ज्यान गुमाएका छन् । मृत्युको कारणमा सबैभन्दा बढी सवारी दुर्घटना र प्राकृतिक मृत्यु देखिएको छ । सन् २००८०९ देखि २०२१०२२ सम्मको अवस्था हेर्दा १० हजार ६६६ नेपालीले विदेशी भूमिमा ज्यान गुमाएको देखिन्छ । जसमा १० हजार ४११ पुरुष र २५५ जना महिला छन् ।