भक्तपुर । गृहमन्त्री रमेश लेखकले बुधबार भक्तपुरको दुधपाटीस्थित जुद्ध बारुण यन्त्र कार्यालयको नयाँ कार्यालय भबनका एक समारोहवीच उदघाटन गरे । गृहमन्त्री लेखकले भवन शिलालेख आवरण गरेका हुन् । त्यहाँं कार्यालयको नयाँं भव्य भबन निर्माण सम्पन्न भएको हो ।
कार्यक्रममा कार्यालय प्रमुख विजय धौभडेलले नवनिर्मित कार्यालय भबनबारे जानकारी गराए । कार्यक्रममा प्रमुख अतिथि गृहमन्त्री लेखक, सांसद् दुर्लभ थापा, गृहसचिव गोकर्णमणि सुवेदी, भक्तपुरका प्रमुख जिल्ला अधिकारी गोपालप्रसाद अर्याल, पत्रकार महासंघ भक्तपुरका सभापति सुन्दर शिल्पकारलगायतले आआफनो धारणा राखेका थिए । कार्यक्रममा सघीय सांसद् प्रेम सुवाल, भक्तपुर नगरपालिकाका प्रमुख सुनिल प्रजापतिलगायतका अतिथिहरु अनुपस्थित थिए । कार्यक्रममा अनुपस्थित भएकोमा सांसद दुलर्भ थापा, पूर्व जिल्ला समन्वय समितिका अध्यक्ष नवराज कोइरालालगायतले आलोचना गरेका थिए ।