काठमाडौं । पीसिएल नर्सिङ सम्बन्धी अवरोध हटाउनका लागि जेज जी २.० र सिटिइभिटी बीच भएको छलफल हुने बताइएको छ । मंगलबार सिटिइभिटीका सदस्य महेश भट्टराईसँग भएको भेटमा भर्ना प्रक्रिया अघि बढिसकेको र केही प्राविधिक पक्ष मिलाएपछि चाँडै नै भर्ना खोलिने जानकारी दिएको बताइएको छ ।
जेज जी २.० का प्रवक्ता अबिन लिम्बुले विद्यार्थीका मुद्दा समाधान गर्न दबाबमूलक पहल जारी रहेको बताएका छन् । उनले सिटिइभिटीलाई दिईएको ७ दिने अल्टिमेटम अनुसार संगठन अहिले वार्ता, भेटघाट र तथ्य संकलन गर्दै अघि बढिरहेको बताएका छन् । उनले भर्ना प्रक्रिया कुनै पनि बहानामा रोकिएमा जनस्तरबाट कडा आन्दोलन शुरू गर्ने चेतावनी समेत दिएका छन् ।
त्यसैगरी जेन जी युनाइटेडका संयोजक जनक परियारले विद्यार्थीका सपना, पढाइ र समयको सम्मान गर्न सम्बन्धित निकाय गम्भीर हुनुपर्ने बताएका छन्। उनले अनावश्यक रोकिने क्रमले हजारौं युवाको भविष्य प्रभावित भएको भन्दै छिटो निष्कर्षमा पुग्न जोड दिएका छन्। जेज जी २.० र जेन जी युनाईटेड दुवैले पीसिएल नर्सिङ सम्बन्धी समस्या समाधानका लागि साझा मोर्चाबाट दबाब दिने र विद्यार्थीलाई स्पष्ट दिशानिर्देश उपलब्ध गराउने प्रतिबद्धता दोहोर्याएका छन्।