काठमाडौँ । सुदूरपश्चिम रोयल्सका ओपनर विनोद भण्डारीले एनपिएलमा राम्रो खेल्दैमा राष्ट्रिय टिमको क्याम्पमा नपरेको भन्दै असन्तुष्टि व्यक्त गरेका छन्। लुम्बिनी लायन्ससँगको जितमा अर्धशतक बनाएका विनोदले एनपिएलमा राम्रो खेल्दैमा राष्ट्रिय टिममा मौका पाइन्छ भन्ने कुनै विश्वास नरहेको संकेत गरेका छन्।
गत सिजन आफूले राम्रो खेल्दा पनि क्याम्पमा पनि नपरेको उनको भनाइ छ। त्यसैले एनपिएल विश्वकपको सेलेक्सन म्याच हो भन्न नसकिने विनोदले उल्लेख गरेका छन्। उनले एनपिएल आइसिसी टी(२० विश्वकपको छनोट म्याच हो भन्ने नसकिने बताएका हुन्। उनले ५० ओभर र टी(२० फरम्याट दुवैमा छनोट उस्तै भएकाले राम्रो प्रदर्शन गरेर राष्ट्रिय टिममा पर्छु भन्ने नलागेको भन्दै व्यंग्य गरेका छन्।
यदि उनले एनपिएल र पिएम कप छनोट प्रतियोगिता हो भनेर भन्न नसकिने बताएका छन्। किनकि पिएम कपमा उत्कृष्ट ५ मा प्रदर्शन गर्ने खेलाडी नै राष्ट्रिय टोलीमा नपरेको उनको भनाइ छ। चारमा चार जितेकाले टोलीको माहोल पनि राम्रो रहेको उनको भनाइ छ। सबै खेलाडीको माइन्ड सेटमा सकारात्मक बनिरहेको पनि उनी बताउँछन्।
मैदान प्रवेश गरेपछि सबै राम्रो प्रदर्शन गर्न नै जाने हो। टिममा राम्रो पावर हिटर भएकाले आफूलाई पनि बिनादबाव खेल्न सहज भएको उल्लेख गरे। अहिले नै फाइनल जित्ने भन्ने सोचेका छैनौँ र हरेक खेलमा कसरी राम्रो खेल्ने भन्नेमा ध्यान दिएको उनी बताउँछन्। अहिले नै फाइनलका बारेमा सोचेर खेल्ने हो भने दबाब आउन सक्ने उनको बुझाइ छ। जतिसक्दो धैर्य भएर खेल्नुपर्ने उनी बताउँछन्।