काठमाडौं । पर्सा जिल्लालाई सेन्टर बनाएर वर्षौंदेखि ट्रान्सपोर्ट व्यवसायको नाममा अवैधधन्दा गर्दै आएका मादीन रून्चे भन्ने मदन गुप्ताको गोदाममा प्रहरीले छापा हान्दा तस्करको समूहले प्रहरीमाथि आक्रमण गरेर भगायो । सोमबार आदर्श नगरस्थित मदन गुप्ताको गोदाममा खटिएको सशस्त्र प्रहरी बलको टोलीमाथि तस्करका व्यक्तिहरूले हमला गर्दै गाडी तोडफोड गरेका थिए ।
प्रहरी टोलीले गोदाममा छापा हान्दा तस्कर समूहले पूर्व योजनाबद्ध प्रहरीमाथि ढुङ्गा, लठ्ठी र अन्य हतियारको प्रयोग गरि आक्रमण गर्न थालेपछि सो टोली पछि हटेको थियो । सो आक्रमणबाट दुई प्रहरी घाइते भए भने सशस्त्र प्रहरी बलको गाडी पूर्णरूपमा क्षतिग्रस्त भयो ।
प्रहरीका वरिष्ठ अधिकृत डिएसपी विष्णुबहादुर पोखरेलले घटनास्थलमा पुगेपछि मदन गुप्ताको गोदाममा अवैध क्रियाकलापको जानकारी पाएर छापा हान्दा तस्कर समूहले हाम्रो टोलीमाथि आक्रमण गरेको बताएका छन । मदन गुप्ताका गोदाममा ठूलो मात्रामा अवैध ढुवानी, ट्रान्सपोर्ट व्यवसायको नाममा कर छल र अन्य गैरकानुनी गतिविधि सञ्चालन भइरहेको तथ्य पुष्टि भएको बताइएको छ ।
प्रहरीले गोदाममा प्रवेश गर्दा ठूलो संख्यामा अभिलेख, नगद र अन्य सामान बरामद गरेको छ । प्रारम्भिक अनुसन्धानले देखाएको छ कि मदन गुप्ता र उनका सहयोगी वर्षौंदेखि ट्रान्सपोर्ट व्यवसायको नाममा अवैध रूपमा सामान तथा मूल्यवान वस्तुहरूको कारोबार गर्दै आएका थिए। सो क्षेत्रमा लामो समयदेखि तस्करीका लागि परिचित समेत रहेको छ ।
सो कार्य मदन गुप्ताले ठुलो संख्यामा अवैध कार्य गर्दै आएको सूचना पाएपछि छापा मार्न गएको प्रहरीको टोलीमाथि गुप्ताले परिचालन गरेका टोलेगुण्डाबाट आक्रमण गरेको बताइएको छ । घटना पछि प्रहरीले थप बल खटाएर गोदामको वरिपरि सुरक्षा व्यवस्था कडा गरेको छ । प्रहरीले तस्कर समूहको पहिचान गरी उनीहरूको खोजी कार्यमा तीव्रता दिएको छ ।
स्थानीय प्रशासनले पनि घटनालाई लिएर उच्च सतर्कता अपनाएको छ । विशेषज्ञहरूले घटनालाई स्थानीय स्तरको मात्र अपराध नभई संगठित अपराधको भागको रूपमा मूल्याङ्कन गरेका छन् । प्रहरीले घटनास्थलमा बरामद गरेको अभिलेखमा अवैध लेनदेनका विवरण, नगद र विभिन्न सामान समावेश भएको पाइएको छ ।
सशस्त्र प्रहरी बलका वरिष्ठ अधिकृतका अनुसार यस घटनालाई गम्भीर रुपमा लिएर अनुसन्धान अघि बढाएको बताइएको छ । अभिलेख अनुसार, मदन गुप्ताको गोदाममा छापा हानेको समयमा ठूलो संख्यामा मानिसहरू उपस्थित थिए, जसले प्रहरीमाथि आक्रमण गर्न मदत गरेका थिए ।
प्रारम्भिक अनुमानअनुसार, तस्कर समूहमा १५–२० सदस्य रहेको अनुमान गरिएको छ । जिल्ला प्रहरी कार्यालय वीरगंजको अवैध गोदाममा छापा मार्न जाँदा सशस्त्र प्रहरीमाथि आक्रमण गर्नेमध्ये चार जनालाई पक्राउ गरेको बताइएको छ ।
पर्सा प्रहरीका प्रवक्ता तथा प्रहरी नायब उपरीक्षक हरिबहादुर बस्नेतले सशस्त्र प्रहरीमाथि आक्रमण गर्ने चार जनालाई सोमबार राति पक्राउ गरिएको बताएका छन् । सशस्त्र प्रहरीमाथि आक्रमण गर्नेहरूका बारेमा आवश्यक अनुसन्धान भइरहेकाले सो कार्यमा संलग्नहरूको नाम भने पछि मात्र सार्वजनिक गर्ने प्रबक्ता बस्नेतले बताएका छन् ।
अन्य समाचार
वीरगन्ज भन्सारमा कमलकिशोर मालपानीको रजाँई : काइरोस इन्टरनेसनल प्रालिद्वारा अबैधधन्दा