सनातन सिंदुर अप्रेसनको चेतावनी

काठमाडौं, कार्तिक

प्राचीनकालीन वैदिक सभ्यताको सनातन राष्ट्र घोषणा नभए सनातन सिंदुर अप्रेसनको चेतावनी दिइएको छ । मंगलबार राजधानीमा पत्रकार सम्मेलन गरी उनीहरुले यसो भएन भने शहिदको वीरता र बलिदानीको रंग हाम्रो राष्ट्रिय रंग सिम्रीक भएझैं हाम्रा विरंगना नारीको सिउंदो मर्मरक्षाका लागि यो शक्तिपीठहरुले सम्पन्न राष्ट्रकोतर्फबाट सनातन सिंदुर अप्रेसन सुरु गर्ने चेतावनी दिए । यसबाट बिना रक्तपात सनातनीहरुको रक्षा गर्नका निम्ति मातृशक्ति अगाडि बढ्नुपर्ने उनीहरुले बताए । यसका लागि सर्वपक्षीय सर्वदलीय सरकार गठन गरी २०७२ को संविधान संशोधन गरी लानुपर्ने उनीहरुले बताए । पत्रकार सम्मेलनमा अभियन्ता युवराज आचार्यले आज सनातनी आमाको कोख रित्तिएको, सिउंदोको सिंदुर पुछिएकोले त्यसैलाई मध्येनजर गर्दै भोलिका दिनमा कुनै पनि सनातनी मातृशक्तिको आंखामा आंशु देख्न नपरोस् र यो देशको माटोको रक्षाका निम्ति सनातनी मातृशक्तिको सिंउंदोको रक्षा हुन जरुरी भएको बताए । हिजो कयौं सनातनी मातृशक्तिको कोख रित्तियो भने कयौंको सिउंदोको सिंदुर पुछिएयो, उनले भने, हामी चाहन्छौं कि पुनः यस्तो नहोस् । यसैलाई मध्येनजर गर्दै देशमा सुशासन र शान्ति कायम गर्नका निम्ति वार्ताबाट नै समाधान खोज्न सर्वपक्षीय र सर्वदलीय राष्ट्रिय सहमतिको सरकार गठन गरी २०७२ को संविधान संशोधनसहित मुलुकलाई प्राचीनकालीन वैदिक सनातन राष्ट्र घोषणा गरी निकास दिनुपर्ने उनको माग छ । आफूहरुको माग पूरा नभए बाद्य भएर सनातन सिंदुर अप्रेसन गर्न तयार गर्ने चेतावनी उनले दिए ।